多巴先生儲足火力 兆文 05/05/2024 昨朝有4匹參戰馬到大圈出試，「綠登」助手踱一圈，身壯毛色靚。「發財秘笈」助手踱一圈，仍具朝氣。「大千眼界」助手踱一圈，冇咁重身觀感勝前。「將王」韋達踱一圈，神色淡未復氣勢。以下是心水推介： 第3場「火神神樂」轉戰泥地表現出色，3戰2亞1殿，上仗雖騎足全程，但末段愈追愈勁，最後只輸少少認真唔抵。最有睇頭係之前「火神神樂」極生硬，晨課例必郁身郁勢，近日所見轉變好多，剛周四出跳神閒氣定，且轉腳動作利落。 第8場「多巴先生」上季跑皇太后紀念盃表現欠奉，全因遠征回來狀態欠銳，今季唔同了，季內僅跑6次，今戰同遮打盃都係目標所在。埋門儲足火力下，狀態弗到爆，兩課大閘同樣交出好走勢。 第11場「巴閉仔」上仗轉彎中段曾受困，入到直路初亦冇位，幸好鬥心強勁，望空後交出超強衝刺輕勝。上月12至14日冇出圈操練原本擔心，但既然廐侶「合夥奔馳」相隔11日跳兩課都贏，再者「巴閉仔」對上半個月跳5課，少少瑕疵可不理了。